வெறுங்கிழவீ !

                                                                        

வெட்கமில்லை கிழவீ உன் சதைகள் ஆட

வீற்றிருக்க முடியா உன் விதானமாட

பற்கலில்லை கிழவீ உன் மலினமாட

மாண்டிருந்த  மறைப்பெல்லாம்  மங்கியாட

பிறழ்ந்து  வந்த கண்ணீரில் உன் கிழவன் ஆட

கடந்து வந்த வாழ்க்கையிலே என்ன கிழித்தாய்

காலம் தின்று துப்பவென சேலை விரித்தாய்

செய்ய வழி ஏதுமின்றி பத்து பெற்றாய் -பின்

எதேனக்குப் பத்து என்று எண்ணி முடித்தாய்

ஆடி முடித்தகிழவி உன் ஆசையென்ன ? -

ஆண்ட நிலை அடி வயிற்றின் பாண்டல் என்ன ?

கக்கலிலே கலந்து வந்த பேதி யோடே

கற்ற வினை யாதடியே -கருங்கிழவீ  !

உற்ற துணை ஊர் முழுக்க ஒன்றுமில்லை

ஊரறிய உனக்குமொரு காவலில்லை.

கற்றடிமை கால் பெரும்  காதலில்லை

கடைசியிலே யார் வருகைக் காயிருந்தாய் ?

ஆதியுந்தான் அப்பனுந்தான் ஆரும் வருகார்

ஆத்தி ஆத்தி தேத்தடியே தனிக்கிழவீ  !

காலம் தின்ற கிழவீ உன் கந்தலென்ன ?

காதல் கிழம் சாவதிலுன் பந்தமுமென்ன ?

ஆட ஆட, ஆட  ஆட, அடிமை கிழவீ

நீ ஆண்டிருந்த காலமெல்லாம் அருமை கிழவீ

வாழ என்று வந்து நிற்க எது கிழவீ

நீ வந்து போன பாதி வழி தோது கிழவீ

மூது என்று மூச்சிரைக்க ஓது கிழவீ

உன் முன் வினையும் என் வினையும்

ஒன்று கிழவீ.

தனிக்கிழவீ ,

தனிமையிலே நாள் எண்ணும்

தரித்திரக் கிழவீ !

சடுதியில் செத்துப் போ கிழவீ  !

சாக உன்னை யார் தடுப்பார்.

சடுதியிலே செத்துப் போ கிழவீ  !

சாக உன்னை யார் தடுப்பார்.

-நிலா

15/02/2010