கண்ணன் பாடல்

சொன்ன பொருளிலெலாம் கண்ணா சேதி சொல்ல மறந்தாயோ ! -

சேதி-சொன்ன பொருளிலெல்லாம் கண்ணா மீதி சொல்ல மறந்தாயோ-

மீதி- சொல்லியிருந்தும் கண்ணா பாதி சொல்லினை மறந்தாயோ-

பாதி-சொல்லிலும் ஒரு சொல் சொல்லாமல் நின்றாயோ-

சொல்லாமல் நின்றதினால் சோதி என்று ஆனாயோ-

சோதி என்று ஆனவனே சேதி ஒன்று தாராயோ ?

கேள்வி உன்னைக் கேட்பதற்கே வேள்வி பலம் தாராயோ -

வேள்வி நிதம் செய்வதற்கே தோளில் பலம் தாராயோ-

தோளில் பலம் சேர்த்து விட்டு தோல்வியினைச் சேர்ப்பாயோ-

தோல்வியினைத் தோள் கொடுக்க துன்பமினைத் தருவாயோ-

துன்பமிதைச் சேர்த்துவைக்க தொல்லையினைத் தாராயோ-

தொல்லைகளின் தொன் முடிவில் உன் புன் முகத்தைத் காட்டாயோ-

தோல்வி ஒன்று கண்ணா நீ என் தோளில் வந்து ஏற்றாதே-

ஆழி பயில் மன்னா நீ என் காலில் பழி சேர்க்காதே -

வாலிபத்தை ஒரு வழியாய் வலி நிறைத்து விற்காதே-

உன் விற்பனையை விஞ்சுமொரு விலை மதிப்பைச் செய்யாதே-

விலை போவார்க் குலமொழுக கொஞ்சும் படி நிற்காதே-

தானாய்க் -கொஞ்சுமொரு அஞ்சுகத்தைக் கச்சவிழத் தள்ளாதே !

தேளை விட்டுத் தேன் பருக, சாலை விட்டுத் தேர் விலக

காளை விட்டுப்போன பின்னே புதுப் பாலையொரு பசு தருமோ!

ஆளை விட்டு ஊர் புழங்க, ஊளை விட்டு நரி கலங்க

மாலை இடப் போன கையை மறப்பாளோமலர்க்க்கணிகை !

கோழி போலக் கொத்தி வந்து மடிக் கொய்யகத்தில் கட்டி வந்து-

பல்லிழிக்கும் பல்லி போலே பலமார்கதையே சொல்லிடுவேன் -

உள்ளிருக்கும் உன் நேசம் எட்டு எள்ளெனப் பிரித்தாலும்

கள் மணக்கும் காம் -பூவாய் காய் மணப்பேன்- பின் பூப்பூப்பேன் !

சோலையிலே சொல்லெடுத்து ஆலையிலே கரும் பூ - வெடுத்து-

காலையிலே கண் வளர்ப்பேன்- காணாத இரவைக் காட்டி!

ஆன மொத்தம் நீ மருகா இந்த ஏழை பக்கம் ஏன் உருகாய் -

ஆளில்லாத கிழம் போல் ஏன் அடுப்படியில் இன்னும் கிடந்தாய்!

ஆம்பல் மலர்க் கொய்து உன்றன் கால் பணிய ஆசை !

என்றன் ஆழி பயிர் மொண்டு வந்து சேவை செய்ய மாஞ்சை!

மோகம் என்னை வாட்டும் வரை-
 என் தேகம் எங்கே தேக்கம்.

தாகம் என்று சொல்ல மாட்டேன் தர்க்கம் இல்லை கண்ணா-

ஆன மட்டும் ஆக விடு என் ஆவியினைப் போகவிடு

போன வுயிர் புறக்கணிக்க -
உன் புண்ணியத்தை மறந்து விடு!

-நிலா-

இந்தப்பாட்டு / கவிதை "வலஜி" ராகத்தை அடிப்படையா மனதில வெச்சுக் கொண்டு மெட்டுப் போடாமலேயே ஒரு இறுக்கமான இடை ராத்திரியில், கிறுக்கினது :)

2010