நன்நிலை வாதம்.

மறை பொருள்.

சம்பவங்களைப் படிவகுக்கை செய்வது தொடர்பான ஆய்வு. தரவுகளை உதிரி உதிரியாகப் பிரித்துப் போட்டு ஒரு இலட்சிய வீழ்ச்சியை எதிர் நோக்கச் செய்வது நிகழ்வுகள், என்பவை எதற்கும் பிடிப்புக்கலல்லாத சிருட்டி பேதங்கள். இவை நேரத்தில் தங்கியிருக்கின்றன. ஆனால், சம்பவங்கள், நிகழ்வுகள் இரண்டுமே காலத்தில் தங்கியிருக்கின்றன.

பரிணாமக் குன்ரலை ஒரு வகை யதார்த்தப் பின்னிணைப்பான ஒரோழுங்கில் படியச் செய்து, தடயங்கலாக்கலாம். இவை சம்பவங்களாகா; நிகழ்வுகளாகா சற்றே வேறு பட்டவை, வரலாற்றின் பாகங்கள். சம்பவங்களாயும் நிகழ்வுகளாயும் உரு வார்ப்புப் பெற்றவை செயற்கையான நேர்கோட்டுத் தளத்தில் இயங்குகின்றன. வார்த்தைகளைக் குழப்பிப் போடுவது போல, இது, ஒன்றுக்கொன்று முரண் தத்துவத்தை தருகின்றது .

இனி,

குலசாமி சொன்ன காதை.

வீடு திரும்ப எத்தனிக்கின்ற

எனக்கு

காயங்களை மாற்றிவிடத் தோணுகிறது

முதலில் சரிவர.

பெருமிதமாக இருக்கின்றது,

எனக்கான கேள்வியில் நாளிதழ்கள்

விற்பனையாகுவது குறித்து - ஆயினும்

சொற்ப

உயிருடன் தனும்

வீடு நல்கும் எனக்கு,

குழந்தையின் கேள்விக்கு

பதில் தெரியவில்லை.

......அப்பா செத்துப் போயிருந்தா,

என்னம்மா செய்வின?

................................

சுடுகாட்டில கொண்டுபோய்க்

கொளுத்தியிருப்பின ராசாத்தி!!!

தற்சமம்.

அறுவடை செய்யாத

வார்த்தையுடனும்,

புதினம் பார்ப்பது போன்ற

கோணல் வாயுடனும்,

செத்துப் போன கடவுள்களை

அழைத்துக் கொண்டு வந்து

கதவு தட்டுகிறாள்

குழந்தை -

பரிசீலிக்கப் படாத அதன்

முதன் வார்த்தைகள் ,

பெரியதொரு வன்முறையை

எதிர்கொள்கிறது.

விம்மியழவுந்தெரியாத

பஞ்சுக் குழந்தை!

வெறும் பூனையைப் போல,

பொட்டலங்கட்டி,

சுருட்டி வீசப்பட்டு........

இன்னொரு கவிதை...

என்னைக் கொன்று எரித்த

சாம்பலில் பூத்து நிற்கிறேன்- சடையான

விழுதுகள் ஊன்றியபடி,

கிளைகள் விட்டுக் கொண்டு

கிளர்ச்சியாகவும் இருக்கின்றேன் .

பெருவழிச் சாலைகளில்

நகரின் ஒதுக்குப்புற மையத்தில்

நாய்கள் குரைக்கும் ஓசையில்

பறந்து போகிறது- எனையொத்த காக்கை.

அதற்கு முன்னம் அங்கே -

இருந்திருக்கலாம்,

வானத்தின் விளிம்பிலிருந்து-விழுந்த

நட்சத்திரப் பறவையொன்று .

மினுக்கும் வசீகரத்துடன் .

உலர்ந்து போன

சிசுக் சருமத்தைஒத்த

இன்னுமொரு

அண்டப் பறவையும்.....

படுக்கை மீது கழிக்க வைக்கும்

மழையின் வன்முறை தாங்கிய

சக்கரவாகமும்-

அதன் ஈரமும் கூட ,

இருந்திருக்கலாம்

அந்த கருத்தரித்த மரக் கூட்டத்தில்.

உனதுமெனதுமான

குவியப் புள்ளியில் எதுவோ வெடிக்கப் போய்,

வாழ்வுக்கான அழைப்பு வர முன்னமே பூக்களின்

அகாலம் நிர்ணயிக்கப்பட்டு விட்டது .

தேவதேவியின் சன்னதக் குறிப்புகளால் ,

ஓடு உடைத்த சேவட் குஞ்சுகளையும் கூட

பார்க்க முடியவில்லை .

இன் நாளில் ...

எரி  நட்சத்திரங்களின்,

மந்தமான ஜொலிப்பில்

அழிந்தே போயிருக்கும்

பசுவாதப் பட்சிகள் .

நெரிசலான

நெடுஞ்சாலையைக் கடக்கையில் ஊர்வனவொன்று-

கசிந்து போயிருக்கலாம்.

ஆறுகள்,

கடல் வெளிகள்

கூடல்களிலிருந்து

பழுத்த இலையொன்று வசந்தத்தின் பிடியிலிருந்து

விடுவிக்க எடுக்கும் சுற்றல்க் காலம்,

காற்றின் இருப்பை உணர்த்துகின்றது.

அலைகள் முரண்படும் தருணமொன்றில்

எனக்காக பூத்த பூவும்

விசும்பிலிருந்து

நெடு தூரம் செல்கிறது .

சர்வகாலமும் ,

இயற்கை பற்றியே

கனவு வருகின்றது.

தொன்மத்தின் முடிச்சுக்களை கான முடியவில்லை.-

வேர்களின் அந்தங்களிலும்,

இலைச்சுவரிலும்.

நரிகளும், நாய்களும்,

கரடிகளும், கழுகுகளும்,

சகுணப் பூனைகளும்,

பாம்புகளும், நத்தைகளும்

நாகணவாய்களும் -

இனி-வருவதில்லையென்ற முடிவிலிருக்கின்றன,

நாடு பற்றிய கதைகளில்.

எல்லைகளின் கடைசி மீறலாய்

நொடிந்து போனது

பச்சை....

எதறகுள்ளும் இருப்பதில்லை

ஒயிலான காற்றின் நெடி !

பசுக் கூட்டங்களைக் களவாடுகின்ற பண்பு இல்லை.

இலக்கொன்ருமில்லாப் பேடுகளையும

களவாட யாரும் எத்தனிப்பதில்லை.

ஆகாயத்தில் எந்திரம் தவிர பறப்பது ஏதுமில்லை.

நிருவானமான குட்டைகள் .- வெகு தூரத்தில்

அதைத் தொடர்ந்து பேய் வசிக்கும்

தனி மரந்தனுமில்லை.

வெகு தூரம்

ஆண்டுகள் கடந்து வந்ததன்புறம் -

தாயின் இடுப்பிலிருந்து கொண்டே

'நைக்காட்டும்' குழந்தைகளும் இனியில்லை.

சுகப்படாத

பயணத்தின் தொலைவில்

எனக்கான ஒரு செவ்வரளி தானும் இல்லை.

எழிலான நித்திரை வந்து.

நாளாகிறது-

கட்டிலில் போய் படுத்துக் கொள்ள

கடைசி மூச்சை உணரமுடிகிறது

கட்டில் மரத்தினது.

விவாதமொன்றில்

தோல்வியுற்றவன் போலே

தனித்து

நடந்து வருகிறேன்.

என்னால் இனியும்

சுவாசிக்க முடிந்தது -

துரு நாற்றத்திட்குச் சொந்தமான

இயற்கையை-

சாகுபடி எதுமிலாமலுக்கு.

School Annual Science day  -2007

-நிலா