தேடு பொறி

கடந்த மூன்று நாட்களாக இணையத்தில் குறித்த ஒரு விடயத்தைப் பற்றியே அதிகளவில் தேடிக்கொண்டிருந்தேன். விடயம் தொடர்பான தரவுகள், அமைப்புகள், புள்ளிவிபரங்கள் ....இதர இதர...

இணையத்தில் தேடுபொறி இயங்கும் போதெல்லாம் பேஸ்புக்கிலும் இருந்தேன். (எப்பையுமே இருக்கிற விசயம் தானே) பேஸ்புக், எனக்கு நன்மை செய்வதாக நினைத்துக்கொண்டு, நான் தேடும் விடயங்கள் தொடர்பான விளம்பரங்களை முதல் நாள் எனது டைம்லைனில் ஓடவிட்டது. அடுத்த நாள் லைக் பேஜ்களை சிபாரிசு செய்யத் தொடங்கியது. நேற்றிரவிலிருந்து டைம்லைன் முழுவதுமாக எனது விடயப்பரப்பை பதிந்து வத்திருக்கிறது. எரிச்சலைத் தரகூடிய செயலாக இது எனக்கிருந்தது.

இத்தரைக்கும் பேஸ்புக்கிற்கும், நான் தேடும் விடயப்பரப்பிற்கும் எந்தவொரு தொடர்பும் இல்லை. நான் பேஸ்புக் வழியாக தேடுபொறி எதையும் அணுகவும் இல்லை. தேடு தளங்கள் தரவுகளை விற்பனை செய்வது பற்றியும்,சில social media plugging, sign in ஆக இருக்கும் போது கணக்காளரின் விபரங்கள்,தரவுகளை வகைக்குறிப்பதும் ஏற்கனவே தெரிந்தது தான். இருப்பினும் Gmail,yahoo,hotmail தளங்கள் ஆரம்பத்தில் அதிகளவு விளம்பரங்களை மின்னஞ்சல் தரவுகளிலிருந்து தந்துகொண்டிருந்தன. 2011 காலகட்டத்தில் தனிமனித தரவுப் பேணுகைச் சட்டம் உலகலாவிய ரீதியில், WikiLeaks இன் news leaks உடன் துரிதமாக கவனத்தில் கொள்ளப்பட்டு இவை குறைக்கப்பட்டன.

விளம்பரங்களை, நீங்கள் நிற்கும் இடம் ஈறாகக் கொண்டு,யாருடன் இருக்கிறீர்கள் என்பதை வைத்து உங்கள் தேவைகளை தீர்மானிக்கிற எரிச்சலடைய வைக்கும் வேலையை Facebook அண்மைக்காலமாக அதிகளவில் செய்து வருகிறது. விளம்பரங்களில், மீள ஒளிக்கும்/ஒலிக்கும்/isolated flashஆக வரும் இயல்புகள், மனித மூளையின் பல ஆண்டுகள் பேணிப்பாதுகாக்கப்பட்டு, தேவைகள், சேவைகள் தொடர்பான அழுத்தம் வரும் போது நினைவில் வரும் வண்ணம் தயார்ப்படுத்தப்பட்ட அமைப்பாகும். தற்சமயம் தேவையில்லை எண்று தவிர்க்கும் விளம்பரத்தை தேவை வரும் போது, துரித மீட்டல் செய்யக் கூடிய தன்மை மனித மூளைக்கும், விளம்பரத்தின் அமைப்பிற்கும் உண்டு. இதுவே நுகர்வுக்கலாசாரத்தின் இராட்சத வளர்ச்சின் ஆதாரம். அவ்வாறே விளம்பரங்கள்/நுகர்வுப்பொருட்கள் நமது தேவையை தீர்மானிக்க்கத்தொடங்குகின்றன.

கடந்த மூன்று நாட்களாக டைம்லைனில் எனக்குத் தேவையாக இருக்கும் பதிவுகள் அல்லாது, Facebook, எனக்குத்தேவைப்படும் என நிச்சயத்திருக்கும் பதிவுகளையும், தொடுப்புக்களையும்,விளம்பரங்களையும் பார்த்து சலிப்புற்ற நான், பேஸ்புக்கின் நடவடிக்கையை மாற்றத் தீர்மானித்தேன்.

இரவிலிருந்து இப்போது வரை செய்துகொண்டிருக்கும் வேலைகளுக்கு நடுவில் பேஸ்புக் தளத்தை தகர்ப்பது சம்பந்தமான சிலவற்றை வேண்டுமென்றே பார்த்துக்கொண்டிருந்தேன். பகல் ஒரு மணிக்கு, பேஸ்புக் அதுவாக லொக் அவுட் ஆகி, நீங்கள் உத்தியோகபூர்வ பயனாளர் என்பதை கடவுச்சொல்லை சரிபார்த்து உறுதிப்படுத்தவும் என்டு பம்முது.... :P