நீண்ட பயணம் போக வேண்டும்.
கால்கள் எங்கேனும் ஓய்வைப்பற்றி நினையா வண்ணம்,
நீண்ட பயணம் போக வேண்டும்.
இருளை மீறி இரண்டோ மூன்றோ அடி எடுக்க வேண்டும்.
பிரிந்த சாலையில் இதுவோ அதுவோ எனத் தெரிய வேண்டும்.
நாம் நடப்பதைப் பற்றி யாரேனும்
வேறொரு கோணமாய் சொல்ல முன்
நீண்ட பயணம் போக வேண்டும்!
பழங்கதை ஒன்றின் விளிம்பில் அவை அடிபடு முன்னும்
இனிமேல் இல்லாத என்றொன்று வருவதன் முன்னும்
நீண்ட பயணம் போக வேண்டும்!
விழிகள் மெல்ல சொருகும் முன்னும்,
விடியும் என்பது சலனம் எனுமுன்,
மறுப்போம் என்று மறுதலை வரு முன்
நீண்ட பயணம் போக வேண்டும்!
வலிய காற்றின் சுழலில் சுற்றும்,
இறந்த இலைகள் விழுபடு முன்னும்,
மறுப்பது என்பது சமரசமாயினும்,
எப்புண்ணும் பழுதுபட முன்னும்
நீண்ட பயணம் போக வேண்டும்.
நீண்ட தூரம் போக வேண்டும், விலகியோ,சேர்ந்தோ
நாம் நீண்ட தூரம் போக வேண்டும்.
நிலா-
Comments
Post a Comment