ஆளச் சொல்லுகிற ஆட்சிப் பாட்டு

                             

அரவச் சடை கழழில் பூட்டி அருவத் துயில் விழியில் கொண்டு
அருக்கக் கதிர் அகலம் பரப்பி ஐம்பொன் உன்னை ஆழேன் அருகில்? 

இரக்கக் குணம் சிறிதும் இல்லா இன்பப் பொருள் எதிலும் அல்லா
மெய்யன் உன்னை மெச்சேன் பொழுதில்? பொய்யன் உன்னை புகழேன் வாதில்?

[எண்சீர்க் கழிநெடிலடி ஆசிரிய விருத்தம்]

வானமே இரு சோலை வான்முகிலும் நாடும் கானமே 

ஒரு பாட்டில் கவியரசு செய்யும் ஏனம் ஒரு கிண்ணம் பாலமுது 

கொய்து பானமெனப் பருக்கும் சேய் எனது கன்றே !

கண்ட திருக்கோலம் காட்சிப் பிழையின்றி கைகளை தலை மீது

தானுயர்த்தி தவிசு பாடி பொய்களை பூசுற போதுமென 

அகஞ்சொல்லி அல்லிக் குவளையிவள் ஆதாரமின்றிப் படர்ந்து !

 [ஆசிரியத்துறை]

வேள்வித் தீயில் வெட்கிக் குனிகையில் ஆவி பெருகி 

அங்குமிங்கும் ஒழுகி -ஐயம் இல்லாமல் ஐம்புலனும் கருகி
அட்டமா சித்திக்கு அப்பாலும் தாவித் தாவி, தன் நிலைபரம் தவித்து-
கடினமடா காத்திருத்தல் காம்போடு வேர் பிடுங்கல்!

[ஆசிரியத்துறை]

 மெய் நிகர்த்தப் பாடுபட்டு மெய்யாலே விதிர் விதித்து
கை நிறையப் பாடும் பட்டு பாழுமோர் பழியைச் சுமந்து
"கை கழுவி வாரும் என்றாள்" "கடும் புனல் மொண்டு வந்தான்".

[கலித்தாழிசை] 

நாழிகை ஐந்து தான் ; நான் நிலம் பொழுது தான் வைகறை வரையில்

தான் வடித்தனல் வாது தான் சூதுரை என்றுமோர் தீதுரை என்றுமோர் -
சூழ் கலி என்று கொண்டு சூழ்ச்சிகள் செய்தவையே!பாவைகள் என்றுமோர் பாவிகள் ஆல்லவே !இப்பாவையைப் பற்றியோர் நூழிடை ஆட்டமோ ?

நூலிலே நுனியிலே நுன்மையின் சீற்றமோ?காதலோ சாதலோ கடைசியில் தாழழோ?

[ஆசிரியத்துறை]

பாதமோ பணிவுற பழி தளை சுமப்ப
உள்ளமே உருகி உன் மலம் ஒழிய
என்றுமே நின்னை மறக்கிலேன் கண்ணே
கருமுகில் என்றும் கதிர் தனை மறைக்கும்?

இரு நிலைக் கொள்ளும் இருதலை எறும்பாய்
ஒரு நிலை தானென் ஓங்கிய கல்லாய்ப் பட்டு
உறுபசி என்றே ஒன்றை உணருமின் நின் காதில்
உணர்வில்லை என்றோ என்று ஒரு பழி சொல்லாய் போதில்!

[கலித்தாழிசை]

பர நிலை தாண்டி இங்கே பருவரை யாப்பும் கூடி அருபெரும் 

அமைதி வேண்டி அடக்கமாய் உறங்க வேண்டும் தர நிலை 

தாண்டி அது ஓர் தகாத செயல் ஆகிப் போகும் இக நிலை 

பொய்த்துப் போனால் இந்நிலை மெய் நிலையாமே ! - இருந்தும், 

[ஆசிரியத்துறை]

உம்பன் உன்னை உணர்வித்து ஆகுதியால் அருச்சித்து
கம்பன்னெனக் கரம் பிடித்து காவியமும் நான் பாடி அம்பலத்தில் 

ஏறியுந்தன் ஆட்சி பீடமேறி ஆனதின்பம் ஆட்சியுரைப்பேன்

அந்தநாள் தொலைவிலில்லை...! 

[ஆசிரியத்துறை]

நிலா -

எழுதப்பட்ட காலத்திற்கும், உள்ளடக்கத்துக்கும் புறம்பாக, வெறுமனே பாக்களையும், கவிதைகளையும் சேமித்து வைக்கிறதையும் விட, அவை என்னென்ன வகையறாக்கள் என்று பகுத்து வைத்திருக்கிறது, வாசிக்கிறவைகும் இன்பம் தரும் என்ன ? ;)

 2010 ஜூன்-