முதன்மை உள்ளடக்கத்திற்குச் செல்

இடுகைகள்

பிப்ரவரி 23, 2014 இலிருந்து இடுகைகளைக் காட்டுகிறது

அஞ்சலி

ந.பாலேஸ்வரி அவர்கள் அண்மையில் காலமாகி இருக்கிறார். அவர் "ஓரளவுக்குப் பதிப்பித்த" தத்தைவிடு தூது எவ்வாறாகிலும் முக்கியமான பிரதியாகும்.  ஈழத்தைச் சேர்ந்த, பெண் விடுதலையை மையப்படுத்தி, பாரதிக்கும் முன்னதான காலப்பகுதியின் தி.த.சரவணமுத்துப்பிள்ளை எழுதிய தத்தை விடு தூது,தூதுக்காவியத்துக்கு ஒரு மறுப்புப் பிரதியே ந.பாலேஸ்வரி அவர்களின் தத்தை விடு தூது விளக்கம்.  எனக்கு தத்தை விடு தூதின் 33 பாடல்களையும்  அறிமுகப்படுத்தியது அவரது மறுப்புப் பிரதியே.  இன்றைக்கு நான்கு வருடங்களுக்கு முன்னம், தத்தை விடு தூது செய்யுள்களுக்கு விளக்கவுரை எழுதத் தொடங்கினோம். என்னளவில் முடிந்தும் ஆச்சு. பதிப்பிப்பதற்கு நிதி வசதி போதாமையினால் அச் செயற்பாடு அப்போதிலிருந்து அப்படியே முடங்கியது. தத்தை விடு தூதை மறுத்து எழுதிய ந.பாலேஸ்வரி அவர்களும் காலமானார்.  அன்னாருக்கு எனது அஞ்சலிகள். தத்தை விடு தூது  

ஈழத்து கலைஞர்களுக்காக...

இலங்கைக் கலைஞன் எனும் இணையதளத்தை அண்மைக்காலமாக அவதானித்து வருகிறேன். அதனைப் பற்றி எழுத வேண்டும் என்று என்னளவில் நினைத்திருந்தேன்.  எழுத்திலக்கியம் சார்ந்த ஈடுபாடும் கொண்டாட்டமும் ஈழத்தில் காலா காலமாக இருந்த போதும், ஏனைய படைப்பாக்கங்கள் பற்றிய விழிப்புணர்வும், போதியளவு ஊக்குவிப்பும் அவை பற்றிய கொண்டாட்டமும் சமுக வலைத்தளங்களின் வருகை வரைக்கும் சிறிதாகத்தனும் இருக்கவில்லை. ஆங்காங்கே சில விதி விலக்குக ளான அமைப்புகள் படைப்பிலக்கியத்தில் பட்டம் பெற்றவர்கள் மூலம் ஓரளவுக்கு வரலாற்றில் இருந்தது. அதுவும் இளந்தலைமுறையினரை அண்டவிடாத, தொழில் சார் கல்வி இல்லாதவர்களை சேர்த்துக்கொள்ளாத இடமாகவே இருந்தும் வருகிறது.  உலகளாவிய ரீதியில் உள்நாட்டு படைப்புக்கள் எவ்வாறு கொண்டாடப்படுகிறதோ அவ்வாறு இலங்கையில் கொண்டாடப்படுவது இல்லை. உன்னாட்டு படைப்புகளுக்கென்றொரு தனித்துவமான அடையாளத்தை நிரூபிக்க பல காலமாக எங்களது இளைஞர்கள் போராடி வருகிறார்கள். அப்படி அங்கீகாரம் கிடைத்தாலும் எதோ ஒரு இடத்தில் வருகிற மறைமுகமான  நகை பிம்பம் எம்மைச் சுற்றி ஓடிக்கொண்டே இருக்கிறது.  அது சக நண்பர்களாளோ, துறை தேர்